ضــہہہــؤؤء القمــہہہــرر
Admin
رقم العضويه : 1
عدد المساهمات : 221
السٌّمعَة : 10
تاريخ التسجيل : 27/09/2015
الموقع : في قلب من احب
 مبسوطه
 | | موضوع: غـبت لاماغبـت..!! بقلمي الخميس أكتوبر 01, 2015 10:27 pm | |
|
....  .......
قصيدة من الشعر الشعبي..
ذات المفردات المتناوله بالعاميه
والتي ماتكون باللهجه العراقيه البحته
اتمنى ان تنول استحسانكم وذوقكم عند التمعن بالمفرده
غبت لاماغبت
بعيوني شفتك
مو بالحلم والنوم
لارهبة الجاع من يفوته الزاد
اهابك مو اخافك
مو ذلة
ولاهي ...
بس انه انذليت
وناخ صبري
ومانتخيت
غبت لاماغبت
جف ملح حطيت بالعنين
وجف كزاز
وجف جفت
وعسى عيني
تكف
بس يوم
ولو ياريت مره
غبت لاماغبت
رحت عند الصبر معتب
وانحب ادموع
وبخطاي رديت
وماردت اكلك
ليش ما انت تجي
لجن طرف زله
اتوارى
اشلون بالخان ارتجي
مثل لعبة الغميضه لعبت
غبت لاماغبت
العمر خلصناه
واسنين انكضت
مثل سبحه اطشرت
بيوم جانت
بين اصابيع الوكت
واتبعثرت
جن جاهل ختل جوه البشت
غبت لاماغبت
لجن جنه العشك طشار
ومثل ايام الاصغار
تلعب ويالعب
ماكو
فنه البطل وكال
روح اطلع تعال
الله ..... يا ايام
الجهال
لابيه خاين
ولابيه مرزاب النفاق
غبت لاماغبت
ياعشكي الراح
ويكلبي الناح
وادموعي
الحفرن بااخدودي
الجراح
ومن شاف الحمام
عله النخل ملتم
ونيني
بدا ينشهد هديله بنوح
عرف شوكي الك
لوعة كلب ملتاع
بحركة حبه واسنينه
غبت لاماغبت
ولك غير المواجع بس شفت
حجايه منك
حجايه مني
للعتب خلينه ديوان ..
وماعتبت
بعيونك شفت
انصاف ولغيري يصير
وعنادك مرجلة ليل
بعيون الصبح يصدح
آه .. ياكلش وكح
غبت لاماغبت
بوجهك سماحة نور
وضحكة هلـــهه
وهلاوين
يفانوس الخطاطير
يا ابن الدواوين
يالمعزب
ويدك صدر .. للمعوزين
يبو حجي الذهب
يالجامع السيلين
ياالمر والعذب
خابط المايين
غبت لاماغبت
يالكلشي اكلك
أردنشد الراي
عله يادين
وياقبله
وياذنب
تاهت سبحتي
وياركعه هي التيهتني
لجن قسمه ونصيب ..
انه ارتضيت
وشمعنى انه التيهت
وبدهري فصلني الوكت
غبت لاماغبت
بتراب رجليك
تمرغلت
الله ياكلش حلو ترابك
احفرت
ماانه حفرت كبري
دفان المكابر يول خبرني
منهو المات
انت
مدري كلبي المات كبلي
واندفن عشكي
بقلمي الناحب والباكي
ضؤؤؤء
21-12-2014
ليلة الاحد
.........
|
......... |
|
|
|
| |
|
أنَثٌى شرقــيَّـــةُ
الادارة
رقم العضويه : 3
عدد المساهمات : 431
السٌّمعَة : 5
تاريخ التسجيل : 27/09/2015
مرتاحة
| |
